അയാൾ

സ്കൂൾ ബസ് വളവ് തിരിഞ്ഞ് പോയി. പാർവ്വതി ഗേറ്റ് കുറ്റിയിട്ട് വീട്ടിലേക്ക് കയറിയതും അവളുടെ മൊബൈൽ ഫോൺ ശബ്ദിച്ചു. ഒരു കാരണവുമില്ലാതെ, ആ ശബ്ദം എന്തോ ഒരു അപകടത്തിന്റെ സൂചനപോലെ പാർവ്വതിക്ക് തോന്നി.

സാധാരണ പരിചയമില്ലാത്ത നമ്പർ കണ്ടാൽ അവൾ ശ്രദ്ധിക്കാത്തതാണ്. പക്ഷെ ഇപ്പോൾ, ഏതോ പ്രേരണയാൽ അവൾ ആ കോളെടുത്തു.

“ഹലോ?”

Read more…

‘വല്ലതും തരണേ’

ട്രെയിൻ വിടാൻ അഞ്ച് മിനിട്ടും കൂടിയേ ഉള്ളൂ. പ്ലാറ്റ്ഫോമിലൂടെ വേഗം നടന്ന് അധികം തിരക്കില്ല എന്ന് തോന്നിയ ഒരു കംപാർട്മെന്റിലേക്ക് അവർ കയറി. ദ്രവിച്ചു തുടങ്ങിയ, മരം കൊണ്ടുണ്ടാക്കിയ സീറ്റുകളുള്ള, പഴയ സ്ലീപ്പർ.

ആദ്യനിരയിലെ തന്നെ മൂന്ന് പേർക്കിരിക്കാവുന്ന സീറ്റിൽ, ജനാലക്കരുകിലുണ്ടായിരുന്ന വൃദ്ധയുടെ അടുത്തായി സീതാലക്ഷ്മി ഇടം പിടിച്ചു. അവരോട് ചേർന്ന് ശിവരാമൻ നായരും.  ഇരുന്ന ഉടനെ ഇരുവരും പരസ്പരം നോക്കി ഒന്നു പുഞ്ചിരിച്ചു. അത്യാവശ്യം തിരക്കുണ്ടായിരുന്നിട്ടും ഒരുമിച്ചിരിക്കാൻ സീറ്റ് കിട്ടിയതിലുള്ള സന്തോഷം.

Read more…

സ്പെഷ്യൽ

മനസ്സിനെ എന്തെങ്കിലും പ്രശ്നം അലട്ടിക്കൊണ്ടിരുന്നാൽ എങ്ങിനെ ഉറങ്ങാനാണ്? അമ്മിണി തിരിഞ്ഞും മറിഞ്ഞും കിടന്നു. കീറിയ പായിലൂടെ തറയിൽ നിന്ന് തണുപ്പ് അരിച്ച് കയറി. ഓട്ടകളുള്ളതെങ്കിലും, ആകെ ഉണ്ടായിരുന്ന പുതപ്പ് മടക്കിയാണ് തൊട്ടിൽ കെട്ടിയിരിക്കുന്നത്.

കുഞ്ഞ് വീണ്ടും കരഞ്ഞ് തുടങ്ങി. അവൾ അതിനെ തൊട്ടിലിൽ നിന്നെടുത്തു. താലോലിച്ചു. പാല് കൊടുത്ത് നോക്കി. കുഞ്ഞിനെ മാറത്ത് ചായ്ചുകൊണ്ട് അവൾ മുറിക്ക് ചുറ്റും നടന്നു. അറിയാവുന്ന താരാട്ട് പാട്ടെല്ലാം പാടി. പക്ഷെ കുഞ്ഞ് കരച്ചിൽ നിർത്തിയില്ല. Read more…

Have you decided?

ടെക്സ്റ്റ് മെസ്സേജിന് അവൾ മറുപടി അയച്ചില്ല.

അങ്ങ് താഴെ, മത്സരപ്പാച്ചിൽ നടത്തുന്ന ഉറുമ്പുകളോളമുള്ള മനുഷ്യരെ അവൾ അല്പസമയം കൂടി നോക്കിനിന്നു. പങ്കെടുക്കാതിരിക്കുവാൻ അവകാശമില്ലാത്ത പന്തയക്കാർ. Read more…

CHOICE

നാരായണൻ കണ്ണൂരെ ഫോർട് റോഡിലുണ്ടായ വാഹനാപകടത്തിലാണ് മരിച്ചത്. ഫാത്തിമ, ജിദ്ദയിലെ അൽ-ബലദിൽ കാൻസറുമായുള്ള ദീർഘകാലത്തെ മൽപിടിത്തത്തിനു ശേഷവും. Read more…

2 + 2

ഇന്നത്തെ പാഠമാണ് ഏറ്റവും പ്രയാസം. കണക്ക് മാഷ്  വീണ്ടും പോയി വെള്ളം കുടിച്ചു. അദ്ദേഹം വിയർക്കുന്നുണ്ടായിരുന്നു. തന്റെ പരിഭ്രമം സ്റ്റാഫ് റൂമിലെ മറ്റുള്ളവർ കാണാതിരിക്കുവാൻ അദ്ദേഹം ശ്രദ്ധിച്ചു. ബെല്ലടിക്കാറായോ എന്ന് ഇടക്കിടെ വാച്ച് നോക്കി. ഇന്നലെ കുട്ടികളെ സംഖ്യകളുടെ കൂടെ ഒന്ന് കൂട്ടാൻ പഠിപ്പിച്ചിരുന്നു. ഇന്ന് രണ്ട് കൂട്ടാൻ പറഞ്ഞുകൊടുക്കണം.

തലേന്നത്തെപ്പോലെ മാഷ് സഞ്ചിയിൽ നിന്ന് ഒരു ആപ്പിളെടുത്തു. കുട്ടികളുടെ കണ്ണുകൾ വിടർന്നു. ശരിയായി ഉത്തരം പറഞ്ഞാൽ ഒടുവിൽ ആപ്പിളുകൾ തങ്ങൾക്ക് കിട്ടുമെന്ന് അവർക്കറിയാം. Read more…

ദൈവങ്ങൾ വേണ്ടാത്തവർ

ഒരിക്കൽ പോലും സംഭവിക്കരുതെന്നാഗ്രഹിക്കുന്നത്, രണ്ട് തവണ നടക്കുമെന്നുണ്ടെങ്കിൽ ഒരനുഗ്രഹമായി മാറിയാലോ? അങ്ങിനെയുള്ള വിചിത്രമായ ഒരു വരം എനിക്ക് ലഭിച്ചിട്ടുണ്ട്. രണ്ട് മരണം. ആലങ്കാരികമായല്ല  ‘മരണം’ എന്ന വാക്ക് ഇവിടെ ഉപയോഗിച്ചിരിക്കുന്നത്. അക്ഷരാർത്ഥത്തിൽ തന്നെയാണ്. ഒരിക്കൽ മരിച്ച്, പിന്നെ തിരിച്ച് വരുവാനുള്ള അവസരം. ആദ്യത്തെ മരണം എപ്പോഴെന്ന് തിരഞ്ഞെടുക്കുകയുമാവാം. എന്റെ ഈ കഴിവിനെക്കുറിച്ച് അറിയാവുന്ന ഒരാൾ കൂടിയേ ഉള്ളൂ. നജീബ്. Read more…

Follow

Get every new post delivered to your Inbox.